Deputatlar va huquqiy tashkilotlar hamkorligi mustahkamlanmoqda

Xalq deputatlari Shovot tumani Kengashi kotibiyati, tuman Adliya bo‘limi hamda “Madad” muassasa shaklidagi nodavlat notijorat tashkiloti Shovot tumani huquqiy maslahat byurosi xodimi O. Ataxanov bilan uchrashuv o‘tkazdilar.

Uchrashuv davomida Xalq deputatlari Shovot tumani Kengashi va “Madad” muassasa shaklidagi nodavlat notijorat tashkiloti bilan hamkorlik masalalari muhokama qilindi. Jumladan, tuman kengashi deputatlarining o‘z saylovchilari bilan uchrashuvlarini samarali tashkil etish, fuqarolarning murojaatlarini o‘z vaqtida ko‘rib chiqish hamda ularga huquqiy yordam ko‘rsatish bo‘yicha o‘zaro hamkorlikni kuchaytirish yuzasidan fikr almashildi.

Shuningdek, sayyor qabullar tashkil etish, aholining huquqiy savodxonligini oshirishga qaratilgan targ‘ibot tadbirlarini o‘tkazish va bepul huquqiy maslahatlar berish bo‘yicha kelishuvga erishildi.

Uchrashuv yakunida tomonlar fuqarolarning manfaatlarini himoya qilish va ularning dolzarb muammolarini hal etishda hamkorlikni yanada mustahkamlashga kelishib oldilar.