Lalmikor mahalla fuqarolar yig‘inida Xalq deputatlari tuman Kengashi deputatining saylovchilar bilan navbatdagi uchrashuvi bo‘lib o‘tdi. Uchrashuvda mahalla faollari, nuroniylar, yoshlar hamda keng jamoatchilik vakillari ishtirok etdi.
Tadbir davomida deputat tomonidan amalga oshirilayotgan islohotlar, hududni ijtimoiy-iqtisodiy rivojlantirish borasidagi ustuvor vazifalar hamda mahallada olib borilayotgan ishlar yuzasidan batafsil ma’lumot berildi. Shuningdek, saylovchilarning murojaat va takliflari tinglanib, ularni hal etish yuzasidan tegishli tushuntirishlar berildi.
Uchrashuvda aholini qiynayotgan masalalar, jumladan, infratuzilmani yaxshilash, bandlikni ta’minlash, ijtimoiy himoya, kommunal xizmatlar sifati va boshqa dolzarb muammolar muhokama qilindi. Bildirilgan taklif va murojaatlar deputat tomonidan nazoratga olinib, belgilangan tartibda ko‘rib chiqilishi ta’kidlandi.
Mazkur uchrashuv deputat va saylovchilar o‘rtasidagi ochiq muloqotni mustahkamlash, aholi bilan bevosita ishlash samaradorligini oshirishga xizmat qildi.