Oʻzbekiston Respublikasi Prezidentining “Nogironligi boʻlgan shaxslarni sportga jalb etish orqali jismoniy reabilitatsiya qilish tizimini takomillashtirish boʻyicha qoʻshimcha chora-tadbirlar toʻgʻrisida”gi 2024-yil
8-noyabrdagi PQ-389-sonli qarori ijrosi yuzasidan, Xalq deputatlari Parkent tuman Kengashiga 5-Changi saylov okrugidan saylangan deputat Mahkamova Feruza Sa`diyevna Parkent tumani sport maktabida bo‘lib aholining sport bilan shug‘ullanishlari uchun sport inshootlarida yaratilgan sharoitlar holati bilan tanishdi. O‘rganishlar davomida sport maktabida ham bir qancha ishlar amalga oshirib kelinayotgani ma`lum bo‘ldi. Tadbir davomida sport turlari bo‘yicha anjomlar holati va sport to‘garaklari faoliyati ko‘zdan kechirildi. Deputat tuman sport maktabi mas’ullariga soha faoliyatini yanada yaxshilashga doir tavsiyalarni bildirdi. Shuningdek, yoshlarning qiziqishlaridan kelib chiqib, ularni bo‘sh vaqtini mazmunli o‘tkazish hamda sport sohasini yuksaltirish borasida alohida chora-tadbirlar belgilab olish ta’kidlandi.