DEPUTAT VA HOKIM YORDAMCHISI:
KAMBAG‘ALLIKNI QISQARTIRISH – USTUVOR VAZIFA 

3-Mitan saylov okrugi deputati B.Abralov mahallalarda hokim yordamchilari
tomonidan amalga oshirilayotgan ishlarning samaradorligini o‘rgandi. 

O‘rganish davomida asosiy e’tibor aholini kambag‘allikdan chiqarish va
oilalar daromadini oshirishga qaratildi. Xususan: "Kambag‘allikdan
farovonlikka" dasturi doirasida amalga oshirilayotgan ishlar; Aholiga
ajratilayotgan imtiyozli kredit va subsidiyalarning natijadorligi; Ishsiz
fuqarolarni kasb-hunarga o‘qitish va doimiy ish o‘rinlariga joylashtirish
masalalari tahlil qilindi. Shuningdek, deputat hokim yordamchilarining
2026-yil uchun mo‘ljallangan ish rejalari bilan yaqindan tanishdi. Kelgusi
yilda mahallaning ixtisoslashuvidan kelib chiqib, kichik ishlab chiqarish
loyihalarini ko‘paytirish va har bir xonadonning iqtisodiy salohiyatini
oshirish bo‘yicha yangicha tizimda ishlash yuzasidan kelishib olindi