Xalq deputatlari tuman Kengashi 3-Yangiobod saylov okrugi deputati M.Gaipov tomonidan tumanning "Yangiobod" MFY hududida barpo etilayotgan yangi ichimlik suvi inshooti qurilishi jarayoni yuzasidan deputatlik nazorati o'tkazildi. Tashrif davomida qurilishning sifati, texnologik talablarga rioya qilinishi va xavfsizlik choralari alohida e’tiborga olindi.
Qurilish loyihasi mahalla aholisi uchun uzluksiz va sifatli ichimlik suvi yetkazib berishni ta’minlashga qaratilgan bo‘lib, bu bilan nafaqat aholi turmush sharoiti yaxshilanadi, balki hudud infratuzilmasi ham modernizatsiya qilinadi. Deputat M.Gaipovning tashrifi davomida qurilishda ishlayotgan mutaxassislar bilan suhbatlashildi, ishlarda yuzaga kelishi mumkin bo‘lgan kamchiliklar aniqlanib, ularni bartaraf etish bo‘yicha tavsiyalar berildi.
Deputatlik nazorati esa loyihaning belgilangan muddatlarda va sifatli amalga oshirilishini ta’minlashga qaratilgan.