🔰O'zLiDeP Хонқа туман Кенгаши ташаббуси билан тумандаги 27-сон мактаб биносида “Фаровон оила” лойиҳаси доирасида 25 ноябрь - Халқаро аёлларга нисбатан зўравонликка қарши кураш куни муносабати билан “Биз зўравонликка қаршимиз!” шиори остида тадбир ташкил этилди.

Тадбирда Халқ депутатлари Хонқа туман Кенгаши депутати Н.Султонова, маҳалла масъуллари, партия фаоллари иштирок этди. 

Тадбирнинг асосий мақсади ёшлар, ота-оналар ва жамоатчилик ўртасида оилавий тотувлик, гендер тенглик ва аёлларга нисбатан ҳар қандай зўравонликка муросасиз муносабатни шакллантиришдан иборат бўлди.

🔹Сўзга чиққанлар аёлларнинг жамиятда тутган ўрни, уларнинг ҳуқуқлари ва манфаатларини таъминлаш бугунги куннинг устувор вазифаларидан бири эканини таъкидлаб, оилаларда соғлом муҳитни таъминлаш, ёшларни онгли равишда тарбиялашнинг аҳамиятига тўхталиб ўтди.

Шунингдек, тадбир давомида зўравонликни олдини олиш чоралари, ҳуқуқий кафолатлар ва ёрдам механизмлари ҳақида тушунтириш ишлари олиб борилди. 

✔️Тадбир иштирокчилари томонидан бу каби маърифий учрашувларнинг аҳамияти юқори экани, айниқса бу ташаббус аёллар ҳуқуқларини ҳимоя қилиш, жамиятда зўравонликка қарши муросасиз муҳит яратиш йўлида муҳим аҳамият касб этади.

Xalq deputatlari Xonqa tuman Kengashi deputati N.Sultonova