Халқ депутатлари Андижон шаҳар Кенгашидаги Ўзбекистон ХДП депутатлик гуруҳи раҳбари М.Жалолов томонидан Андижон давлат чет тиллар институтининг ҳорижий тиллар факультети талабалари иштирокида "Конституция-барча ҳуқуқларимизнинг асоси" мавзусида тадбир бўлиб ўтди. Янги таҳрирдаги  Конституция инсон шаъни ва қадр-қиммати, дахлсизлиги, унинг ҳуқуқлари ва қонуний манфаатларига зид ҳатти-ҳаракатларига йўл қўймаслиги қатъий белгилаб қўйилган. Конституция инсон ҳуқуқлари, демократия, эркинлик, барқарорлик, тинчлик ва тараққиёт тамойилларига асосланган ҳуқуқий ва адолатли давлат қуриш йўлларини очиб беради. Шу ўринда, янгиланган Конституция ёшлар учун янги ҳуқуқ ва имкониятларни бермоқда. Олий ўқув юртларида қабул квоталарини ўсиши, шунингдек, ёшлар дафтари, ёш тадбиркорлар, ёш оилаларга ажратилаётган уй-жой учун ипотека кредитлари шулар жумласидандир.  Бу каби тадбирлар талаба ёшларнинг сиёсий-ҳуқуқий саводхонлиги ортишига хизмат қилади.