O‘zbekiston Respublikasi Konstitutsiyasi qabul qilingan kun munosabati bilan bayram konserti bo‘lib o‘tdi.

40-umumiy o‘rta ta’lim maktabida 8-dekabr kuni O‘zbekiston Respublikasi Konstitutsiyasi qabul qilingan kuniga bag‘ishlangan tantanali bayram konsert dasturi o‘tkazildi.

Ushbu tadbirda Xalq deputatlari Sherobod tumani Kengashi 22-Bo‘ston saylov okrugidan saylangan deputati A. To‘xtashov ham ishtirok etdi. Deputat bayram munosabati bilan tadbir ishtirokchilarini samimiy tabriklab, Konstitutsiyaning jamiyat hayotidagi muhim o‘rni, yoshlar ongida konstitutsiyaviy qadriyatlarni mustahkamlash zarurligi haqida so‘z yuritdi.

Tadbir davomida o‘quvchilar tomonidan ijro etilgan musiqiy chiqishlar, kuy-qo‘shiqlar va sahna ko‘rinishlari barchaga bayramona ruh, yuksak kayfiyat, faxr va g‘urur tuyg‘ularini ulashdi. Shuningdek, tadbir o‘ziga xos bayramona ruhda yakunlandi.