Ózbekstan Respublikası Oliy Majlisi Nızamshılıq palatası 4-Qaraqalpaqstan saylaw okruginen deputat Baxıtbay Aldamuratov Qaraózek rayonında bolıp saylawshılar menen ushırasıwlar hám úyreniwler ótkerdi.

Deputat dáslep Quralpa awıl puqaralar jıyınında máhállege barıp, ol jerdegi sharayat penen tanıstı hám máhálle wákilleri, aymaq nuranıyları menen sáwbetlesti. Máhálle aymaǵında ámelge asırılıp atırılǵan jumıslar, xalıqtı qıynap kiyatırǵan mashqalalar boyınsha pikir alıstı.

Aymaqtaǵı 21-sanlı mektepte saylawshılar menen ushırasıw shólkemlestirilip, onda deputat tárepinen jańadan qabıl etilgen párman, qararlar, mámleketlik baǵdarlamalardıń mazmunı, turmısımızdaǵı áhmiyetin tanıstırdı.

Tómengi palata deputatı menen aymaq puqaraları ashıq sáwbet alıp barıp, múrájat hám pikir, usınısların tıńladı. 

Sonday-aq, deputatlıq iskerligi haqqında tanıstırıp, saylawshılar múrájat, mashqalaların deputatlıq qadaǵalawına alıwın bildirdi.

Ózbekstan Respublikası Oliy Majlisi Nızamshılıq palatası deputatı B.Aldamuratov Xalıq deputatları Qaraózek rayonlıq Keńesi sekretariatı baslıǵı Q.Jaqsımuratov (https://t.me/qaraozek_xdrk_1) penen birgelikte Quralpa awıl puqaralar jıyını aymaǵında sociallıq obektlerde gúz-qıs máwsimine tayarlıǵın úyrendi.

Aymaqtaǵı 21-sanlı ulıwma bilim beriw mektebin jılıtıwda tiykarınan kómir janılǵısına maslastırılǵan bolıp, qazanxanalar saz hám kómir jetkerilip berilgen. 

Mektepte jılıtıw tarmaǵı qayta úskenelengen hám zamanagóy utımlı pech qurılmaları ornatılǵan.

Deputat mektep juwapker wákilleri menen abadanlastırıw jumısları boyınsha da pikir alıstı. uralpa awıl puqaralar jıyını aymaǵında jaylasqan 17-sanlı mámleketlik mektepke shekemgi bilimlendiriw shólkemi 60 orınǵa mólsherlengen bolıp, jılıtıw tarmaǵı kómirge maslastırılǵan. Gúz-qıs máwsimi ushın kómir jetkerip berilgen. Qazanxanalar tolıq quwatlıqta islep, pechler gorelkaları jańasına almastırılǵan hám búgingi kúnde baqsha binası tolıq jılıtılǵan.

Baqshada islewshiler menen korrupciyalıq halatlardıń aldın alıw barısında sáwbetlesilip, jańa qarar, nızamlar haqqında maǵlıwmat berildi.ómengi palata deputatı B.Aldamuratov Quralpa shańaraqlıq shıpakerlik punktin barıp kórip, islewshiler menen sáwbetlesti.

Bul orında awıl xalqına medicinalıq xızmet kórsetiw boyınsha jaratılǵan sharayat hám medicinalıq apparaturalar, biypul dári-dármaqlar menen támiyinlengenligi menen tanıstı.

Shıpakerlik punktiniń jılıtıw máwsimine sazlıǵı da úyrenilip, tiykarınan kómir janılǵısı arqalı qızdırılatuǵın pechler binanı jılıtıwı, máwsimge jeterli kómir menen támiyinlengen.

Medicinalıq xızmetkerlerge korrupciyaǵa qarsı gúresiw hám onıń aldın alıw boyınsha qabıl etilip atırǵan nızamlardıń mazmunı haqqında maǵlıwmat berildi. 

 Deputat tárepinen korrupciyaǵa qarsı gúresiw hám onıń aldın alıw boyınsha ámelge asırılıp atırǵan jumıslardıń jaǵdayı tarawlar hám tarmaqlarda hákimshilik hám byurokratiyalıq tosqınlıqlardı saplastırıw, korrupciyaǵa imkan beretuǵın sharayatlardıń aldın alıw boyınsha óz pikir-usınısların bildirildi.Ózbekstan Respublikası Oliy Majlisi Nızamshılıq palatası deputatı B.Aldamuratov Xalıq deputatları Qaraózek rayonlıq Keńesi sekretariatı baslıǵı Q.Jaqsımuratov penen birgelikte Quralpa awıl puqaralar jıyını aymaǵında jaylasqan 22-sanlı ulıwma bilim beriw mektebinde bolıp, mektep juwapker wákilleri menen jılıtıw sistemasınıń jaǵdayı hám átirapın abadanlastırıw jumısları boyınsha pikir alıstı.