Kelovchi okrugida fuqarolar qabuli o‘tkazildi 

Kelovchi okrug deputati M.Normurotov navbatdagi fuqarolar qabulni o‘tkazdi. Qabul
davomida aholining turli sohalardagi muammo va takliflari tinglanib, ularni hal
etish bo‘yicha zarur choralar belgilab olindi. 

Murojaatlar asosan ijtimoiy himoya, bandlik, maishiy shart-sharoitlarni yaxshilash hamda
infratuzilmaga oid masalalarni o‘zida qamrab oldi. Deputat har bir murojaatni
alohida ko‘rib chiqib, mutasaddi idoralarga aniq topshiriqlar berdi. 

M.Normurotovning ta’kidlashicha, fuqarolar bilan ochiq muloqotlar doimiy davom ettirilib, ularda
ko‘tarilayotgan masalalar nazoratga olinadi va amalda hal qilinishi bo‘yicha
ishlar olib boriladi.