Tibbiy xizmat sifatini oshirish maqsadida amaliy o‘rganish o‘tkazildi. 

Kelovchi okrug deputati Normurotov Ma’ruf hududdagi qishloq vrachlik punktida amaliy
o‘rganish ishlarini olib bordi. Tashrif davomida muassasaning moddiy-texnika
bazasi, aholiga ko‘rsatilayotgan tibbiy xizmatlar sifati va “shaffof navbat”
tartibining qay darajada yo‘lga qo‘yilgani atroflicha tahlil qilindi. 

Deputat bemorlar bilan suhbatlashib, ularning murojaat va takliflarini o‘rgandi.
Ayniqsa, yosh onalar va keksalarga ko‘rsatilayotgan birlamchi tibbiy yordamning
o‘z vaqtida va sifatli bo‘lishi masalasi alohida kun tartibiga qo‘yildi.
Muassasa xodimlari bilan muloqot davomida ularning ish sharoiti hamda zarur
tibbiy asbob-uskunalar bilan ta’minlanganlik holati muhokama etildi. 

Urganish yakuniga ko‘ra, bir qator kamchiliklarni bartaraf etish, aholiga tibbiy xizmat
ko‘rsatish samaradorligini oshirish va punkt faoliyatini yanada yaxshilash
bo‘yicha tegishli tavsiyalar berildi.