Konstitutsiya — davlatning mustahkam tayanchi

Konstitutsiya — bu mamlakatning siyosiy, huquqiy va ijtimoiy hayotini tartibga soluvchi eng asosiy hujjatdir. U nafaqat davlat boshqaruvi shaklini belgilaydi, balki har bir fuqaroning huquq va erkinliklari, manfaatlari va imkoniyatlarini himoya qiluvchi asosiy kafolatlarni o‘zida mujassam etadi.

Konstitutsiya jamiyatda adolat, tenglik va qonun ustuvorligini ta’minlashga xizmat qiladi. Unda davlatning fuqarolar oldidagi burchlari, jamiyatning esa davlat oldidagi mas’uliyati aniq belgilab qo‘yilgan.

Bu muqaddas hujjat mamlakat taraqqiyotining huquqiy asosini yaratadi, inson manfaatlarini oliy qadriyat darajasiga ko‘taradi hamda kelajakka ishonch bilan qadam tashlashimizga zamin bo‘ladi.

Har bir fuqarodan Konstitutsiyani hurmat qilish, uning talablariga rioya etish va uning mazmunini chuqur anglash talab etiladi. Chunki Konstitutsiya — davlatning kuchi, xalqning ishonchi va jamiyatning barqaror taraqqiyotiga asos bo‘luvchi huquqiy tayanchdir.

Xalq deputatlari Bulung‘ur tuman Kengashi