Suvti okrugda 18-maktabda isitish tizimi kuz-qish mavsumiga tayyorgarligi 

Suvti okrug deputati G‘ofur Komilov hududdagi 18-maktabda kuz-qish mavsumiga
tayyorgarlik ishlarini o‘rgandi. Tekshiruv jarayonida ta’lim maskanida isitish
tizimi barqaror ishlayotgani, qozonxonalar faoliyatda ekani hamda maktabda
mavsum uchun yetarli miqdorda ko‘mir zaxirasi mavjudligi ma’lum bo‘ldi. 

Deputatning ta’kidlashicha, ta’lim muassasalarida mavsumiy tayyorgarlikni o‘z vaqtida
ta’minlash o‘quvchilar uchun qulay va xavfsiz sharoit yaratishda asosiy omil
hisoblanadi. Shu bois hududdagi barcha maktablarda kuz-qish davriga puxta
tayyorgarlik ko‘rilishi doimiy nazoratda bo‘ladi. 

18-maktabda olib borilgan ishlar esa mavsum davomida muammosiz ta’lim jarayonini
ta’minlashga xizmat qiladi.