3-dekabr — dunyo miqyosida Nogironligi bo‘lgan shaxslarni qo‘llab-quvvatlash, ularning huquq va imkoniyatlarini ta’minlashga qaratilgan muhim sana sifatida keng nishonlanadi. Ushbu kunda jamiyatda inklyuziv muhit yaratish, mehr-shafqat, e’tibor va qo‘llovni kuchaytirish har bir insonning vazifasi
ekani yana bir bor e’tirof etiladi. Shu munosabat bilan, Xalq deputatlari Jalaquduq tuman Kengashi deputati Q.Qo‘ziyev xomiyligida, nogironligi bo‘lgan shaxslarni qo‘llab-quvvatlash va ularning holidan xabar olish maqsadida bir qator xayrli ishlar amalga oshirildi. Tashrifda tuman Kengashi deputati Yo.Tadjiboyeva, “Inson” ijtimoiy xizmatlar markazi sho‘ba mudiri A.Karimov, Jalaquduq tuman Nogironlar jamiyati rahbari
M.Imomnazarova ham ishtirok etdilar. Tumanimizda istiqomat qiluvchi yakka yolg‘iz, nogironligi bo‘lgan shaxslarning uylariga borilib, ularning kundalik holati, ehtiyojlari va muammolari tinglandi, zarur
ko‘maklar ko‘rsatildi. Bu amaliy tashriflar orqali nafaqat moddiy, balki ma’naviy qo‘llab-quvvatlash, mehr va e’tibor ko‘rsatishga ham alohida ahamiyat berildi. Nogironligi bo‘lgan insonlar — jamiyatimizning faol
a’zolari. Ular uchun qulay shart-sharoit yaratish, infratuzilmani yaxshilash, ta’lim va mehnat imkoniyatlarini kengaytirish, ular oldida turgan to‘siqlarni bartaraf etish — har birimiz uchun sharafli burchdir. Shunday tadbirlar orqali jamiyatimizda insonparvarlik, hamjihatlik va o‘zaro yordam ruhi yanada mustahkamlanadi. Har bir inson e’tiborga loyiq va har bir qo‘llangan yordam bugungi kunning, hatto kelajakning ham savobli ishidir. 3 dekabr — mehr, e’tibor va hamdardlikni yanada kuchaytirishga chorlaydigan sana. Keling, birgalikda yaxshilikni ko‘paytirib, jamiyatni yanada mehribon va inklyuziv qilishga hissa qo‘shaylik.