Joriy yilning 6-oktabr kuni Xalq deputatlari Parkent tumani Kengashiga 17-Bo‘rsiliq saylov okrugidan saylangan deputat Muxitdinov Xusnitdin Muxitdinovich o‘zi saylangan okrugidagi “Navro`z”, “Samarobod”, “Qo‘shshukr” MFY lar yettiligi bilan hamkorlikda “Mahalla ichki ko‘cha yo‘llari holati, ko‘chalarni tunda yoritilishi, avtomobil yo‘llaridagi tirbandliklar, yo‘l transport hodisalari ko‘p sodir bo‘layotgan joylarda YTHlarni kamaytirish” mavzusida uchrashuv o‘tkazdi.Tadbirda okrug saylovchilari, 10- umumta’lim maktabi jamoasi va tuman IIB yo‘l harakati xavfsizligi bo‘limidan ma`sul xodim ishtirok etdi. Uchrashuvda deputat X.Muxitdinov tadbir ishtirokchilariga davlatimiz tomonidan inson manfaati va xalqimiz farovonligi yo‘lida qabul qilinayotgan Qonun hujjatlari, Prezident Farmon va Qarorlari, Oliy Majlis Senati Qarorlari va hujjatlarining mazmun-mohiyati, maqsad va vazifalari to‘g‘risida atroflicha tushuntirish berildi. Shundan so‘ng tumandagi ichki yo‘llarni ta’mirlash, holatini yaxshilash bo‘yicha amalga oshirilgan ishlar, kelgusidagi rejalar haqida keng ma’lumotlar berildi. Shuningdek tuman IIB yo‘l harakati xavfsizligi bo‘limi xodimi tomonidan yo‘l transport hodisalari ko‘p sodir bo‘layotgan joylarda YTHlarni kamaytirish yuzasidan fuqarolarga tavfsiyalar berildi. Tadbir
yakunida fuqarolar o‘zlarining muammolari yuzasidan savollar, taklif va fikr muloxazalarini bildirdilar hamda ma`sullar tomonidan MFY yettiligi bilan fuqarolarning yechimini kutayotgan muammolari bo`yicha zarur chora-tadbirlar rejasi belgilab olindi.