2025-yil 15-oktyabr kuni Oltinsoy tumani “22-Xo‘jasoat” saylov okrugidan saylangan Xalq deputatlari Oltinsoy tuman Kengashi deputati Yu.Hakimov bo shchiligida “Xo‘jasoat” mahallasida navbatdagi uchrashuv va hududiy monitoring ishlari o‘tkazildi. 

Uchrashuv davomida mahallada amalga oshirilayotgan obodonlashtirish ishlari, infratuzilmani yaxshilash va aholi uchun yaratilayotgan qulayliklar hamda tuman dasturlariga kiritilgan loyihalarning ijrosi o‘rganildi. Shuningdek, qurilish obyektlarining sifati, ish jarayonlarining loyiha talablariga mosligi deputat va mahalliy faollar tomonidan joyiga chiqqan holda nazoratdan o‘tkazildi. 

Mahallada istiqomat qiluvchi fuqarolar bilan ochiq muloqot tashkil etildi. Unda mahalliy aholining muammolari, taklif va mulohazalari tinglandi. Ayrim masalalar bo‘yicha tegishli tashkilotlarga aniq topshiriqlar berildi. 

Mazkur uchrashuvga mahallaning ijtimoiy-iqtisodiy taraqqiyotini jadallashtirish, aholi roziligini ta’minlash va davlat dasturlari ijrosining samaradorligini oshirishga qaratilgani bilan ahamiyatli bo‘ldi. 

Oltinsoy tumani Kengash Kotibiyati Axborot xizmati