Oila va xotin-qizlar bo‘limi tomonidan
11-oktabr — “Xalqaro qizlar kuni” munosabati bilan “Dunyoni tinchlik va
ezgulikka ilhomlantiramiz!” shiori ostida o‘tkazilayotgan ma’naviy-ma’rifiy
tadbirlar haftaligi doirasida tumandagi 1- va 2-son politexnikumlarida o‘quvchi
qizlar ishtirokida davra suhbati tashkil etildi. 

☺️Tadbirda “Erta turmush, erta tug‘ruqqa
qarshimiz!” hamda “Qizlar kelajakni tanlaydi!” mavzularida suhbatlar olib
borildi. 

☺️Unda Oila va xotin-qizlar bo‘limi bosh
mutaxassisi D. Shopo‘latova, Xalq deputatlari Uchquduq tuman Kengashi deupati M.
Kamolova, Ma’naviyat va ma’rifat bo‘limi boshlig‘i J. Bulekbayeva, tuman
tibbiyot birlashmasi shifokori P. Astanaqulova, “Inson” ijtimoiy xizmatlar
markazi psixologi M. Haydarova ishtirok etishdi. 

☺️Suhbat davomida o‘quvchi qizlarga erta
turmush va erta tug‘ruqning salbiy oqibatlari, sog‘lom turmush tarzi, to‘g‘ri
qaror qabul qilish hamda kelajakni ongli ravishda tanlashning ahamiyati haqida
batafsil tushuntirishlar berildi. 

☺️Tadbirda yoshlarni hayotga mas’uliyat
bilan yondashishga, o‘z huquq va burchlarini to‘g‘ri anglashga, shuningdek,
erta turmush va erta tug‘ruq holatlarining oldini olish masalalari muhokama
qilindi.