Xalq deputatlari Chinoz tumani Kengashi deputati Mirsoat Mirsodiqov tumandagi Alisher Navoiy mahallasidagi saylovchilar bilan uchrashuv o‘tkazdi. 

  Uchrashuv davomida deputat tomonidan 2025-yilning uchinchi choragi davomida amalga oshirilgan ishlar, xususan, mahalla infratuzilmasini
yaxshilash, ijtimoiy muammolarni hal etish va aholi murojaatlarini ko‘rib chiqish borasida qilinayotgan sa’y-harakatlar haqida batafsil axborot berib o‘tdi. 

   Deputat tomonidan mahalla yettiligi, Kengash a’zolari va saylovchilarga jamiyatda orrupsiyaga qarshi immunitetni shakllantirish, fuqarolarda bu illatga nisbatan
murosasiz munosabatni qaror toptirish, xalqimizning azaliy urf-odatlari va milliy qadriyatlariga mos ravishda to‘y, marosim va tadbirlarni ixcham va mazmunan
boy tarzda o‘tkazish, isrofgarchilik, dabdababozlik, ortiqcha xarajatlarning oldini olish bo‘yicha tushuntirish berildi. 

  Shuningdek, uchrashuvda saylovchilar tomonidan ko‘tarilgan dolzarb muammolar va takliflar tinglanib, ularni hal etish bo‘yicha tegishli choralar ko‘rish yuzasidan kelishib olindi. 

  Deputat Mirsoat Mirsodiqov, saylovchilarning takliflari va fikr-mulohazalariga har doim e’tibor qaratilishini ta’kidlab, saylovchilar bilan ochiq muloqotlarni davom ettirishini bildirdi.