Өзбекстан ХДП Шымбай районлық кеңеси басламасы менен “Депутат мәҳәлледе” жойбары шеңберинде "Шахтемир" БПШде "Депутат ҳәм жаслар" атамасында ушырасыў шөлкемлестирилди.

Ушырасыўда Халық депутатлары Шымбай районлық Кеңесиндеги партия топары ағзасы Х.Абдижалиев, Өзбекстан ХДП Шымбай районлық кеңеси баслығы С.Нурмамбетов, "Шахтемир" БПШ ағзалары ҳәм “Жаслар қанаты” ағзалары қатнасты.

Илажда жыйналғанларға Өзбекстан Республикасы Президентиниң 2025-жыл 10-сентябрь күнги «Мәҳаллелерде жаслар менен ислесиў системасы нәтийжелилигин асырыўға қаратылған илажлер ҳаққында»ғы ПП-163-санлы Пәрманының мазмун-мәниси кеңнен түсинтирилди. Сондай-ақ, бүгинги күнде жасларға қарата елимизде алып барылып атырған кең көлемли реформалар, соның ишинде, жасларға жаратылып атырған мүмкиншиликлер, олардың өз басламаларын жүзеге шығарыўлары ушын жаратылған шараятлар ҳаққында, соның менен бирге партияның бағдарламалық мақсет ҳәм ўазыйпаларын үгит-нәсият етиўде партия шөлкемлери ҳәм депутатлар тәрепинен алып барылып атырған жумыслар және партияның жаслар менен ислесиў бағдарында алып барылып атырған жумысларға тоқтап өтти.

Илаж соңында бир қатар жаслар сөзге шығып жасларды қоллап-қуўатлаў, олардың мәплерин қорғаў бойынша өзлериниң пикир-усынысларын билдирип өтти ҳәм өзлериниң қызықтырған сораўларына жуўаплар алды