O‘zbekiston Respublikasi Vazirlar Mahkamasining 2024 yil 11 oktyabrdagi 665-sonli qarori ijrosini ta’minlash maqsadida amaliy ishlar davom ettirilmoqda.

Shu asosda, Gʻallaorol tuman obodonlashtirish boshqarmasi tomonidan Alamli mahalla fuqarolar yig‘ini hududidagi ichki yo‘llar maxsus texnikalar yordamida asfalt qoplamasi bilan ta’mirlanmoqda. Ushbu amalga oshirilayotgan ta’mirlash ishlari mahallada istiqomat qiluvchi aholi uchun katta qulaylik yaratib, fuqarolarning kundalik hayotida muhim ahamiyat kasb etadi. Asfalt qoplamasi bilan qoplangan yangi yo‘llar nafaqat transport harakati xavfsizligini ta’minlaydi, balki mahallaning zamonaviy qiyofasini yanada chiroyli qilib, obodonlashtirishga hissa qo‘shadi. Hozirgi kunda ishlar bosqichma-bosqich olib borilmoqda. Mahalliy aholi tomonidan ham mazkur tashabbus katta mamnuniyat va qo‘llab-quvvatlash bilan qabul qilinmoqda. Bu kabi loyihalar mamlakatimizda aholi turmush sharoitini yaxshilash, infratuzilmani rivojlantirish va hududlarni kompleks obodonlashtirish borasida olib borilayotgan islohotlarning amaliy samarasidir.