Xalq deputatlari Bekobod shahar kengashiga 20-“Ma’rifat” saylov okrugidan saylangan deputat A.Ismatovning mahalla aholisi bilan uchrashuvi bo‘lib o‘tdi. Uchrashuvda deputat tomonidan o‘tgan davr mobaynida deputatlik faoliyati yuzasidan hisobot berib, bugungi kunda shahar va respublika miqyosida amalga oshirilayotgan bunyodkorlik ishlari to‘g‘risida axborot berib o‘tdi. Uchrashuvda Xalq deputatlari shahar kengashi
kotibiyati mudiri X.Ibragimova, shahar kengashi deputatlari T.Niyazov va U.Abdunazarov ishtirok etdi. Uchrashuv davomida fuqarolardan bir qator masala va muammolar ko‘tarildi. Jumladan, “Salomatlik” ko‘chasida joylashgan maktab va maktabgacha ta’lim tashkilotiga o‘tish joyidan garchi fuqarolar tashabbusiga ko‘ra svetofor o‘rnatilgan bo‘lsada, ayrim xaydovchilar tomonidan tezlikni oshirib, piyodalar, ayniqsa bolalarning hayotiga xavf solib o‘tish holatlari kuzatilayotganligi, ko‘chalarga o‘rnatilgan nazorat kameralari ishlamayotganligi, kanalizatsiya masalasi va boshqa masalalar ko‘tarildi. Har bir ko‘tarilgan masala nazoratga olinib, yechimi bo‘yicha tegishli choralar ko‘rilishi yuzasidan kelishib olindi.