Президентимиздиң 9-сентябрь күни билимлендириў тараўындағы реформаларға арнап өткерилген видеоселектор мәжилисинде айтқан сөзлери ҳәр биримизге үлкен жуўапкершилик жүкледи. Мәмлекетимиз басшысы атап өткениндей: "Економиканың раўажланыўы, елимиз ҳәм перзентлеримиздиң келешеги тек ғана билимлендириў ҳәм муғаллимге байланыслы." Президентимиздиң билимлендириў тараўына қаратылған итибары, соның ишинде, бақша ҳәм мектеплердиң қурылысы, үскенелениўи, сырт елли қәнигелерди тартыў, заманагөй сабақлық ҳәм оқыў бағдарламаларын енгизиў бойынша әмелге асырылып атырған жумыслар ҳаққында пикир билдирип, бул реформалар избе-из даўам ететуғынлыгын атап өтти. Биз, халық ўәкиллери сыпатында, бул ийгиликли мақсетлерди қоллап-қуўатлаймыз. Усы жерде атап өтпекшимен, биз депутатлар да билимлендириў тараўында әмелге асырылып атырған реформалар, жаратылып атырған имканиятлардан ақылға уғрас пайдаланыў ҳәм сапаны қадағалаўда өз үлесимизди қосамыз.

Күнсулыў Насырова,

3-санлы "Шағырлы" сайлаў округынан Халық депутатлары Мойнақ районлық Кеңеси депутаты, ӨзХДП депутатлық топар ағзасы.