⁉️2025 yil 9 iyun kuni qabul qilingan “O‘zbekiston Respublikasining ayrim qonun hujjatlariga sudlar faoliyatining hamda fuqarolar huquq va erkinliklarining kafolatlarini kuchaytirishga qaratilgan o‘zgartirish va qo‘shimchalar kiritish to‘g‘risida”gi Qonun – yurtimizda amalga oshirilayotgan demokratik islohotlarning yangi bosqichi hisoblanadi.

⁉️Bu qonun, avvalo, yangi tahrirda qabul qilingan Konstitutsiyamizda belgilangan normalarni hayotga tatbiq etishga xizmat qiladi. Eng muhimi, fuqarolarimiz huquq va erkinliklarini himoya qilish, adolatli sud tizimini ta’minlash, inson manfaatlarini ustuvor qimmat sifatida qaror toptirishda muhim qadam bo‘ladi.

⁉️Sudlar faoliyatida ochiqlik va hisobdorlikni kuchaytirish, fuqarolarning sud orqali o‘z huquqini himoya qilishi uchun qo‘shimcha kafolatlar yaratilishi – davlat va jamiyatning demokratik tamoyillarga sadoqatini yaqqol ifodalaydi.

⁉️Biz, xalq vakillari sifatida, mazkur qonunning amalda to‘liq ijro etilishi, uning aholi hayotida sezilarli samara berishi uchun qat’iy nazorat o‘rnatamiz. Chunki qonun qabul qilishning o‘zi yetarli emas, uning ijrosi orqali fuqarolarimizning hayotida ijobiy o‘zgarishlar ko‘rinishi eng asosiy maqsadimizdir.

Axmedov Shuhrat Murotovich-

xalq deputatlari Chilonzor tuman Kengashi deputati