🔰O‘zbekiston Respublikasi Prezidentining 2025-yil 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustivor vazifalar ijrosini samarali tashkil etishga doir chora-tadbirlar to‘g‘risida”gi 71-sonli Farmoni qabul qilingan bo‘lib, mazkur Farmon ijrosini ta’minlash maqsadida Xalq deputatlari Chinoz tumani Kengashi deputatlari tomonidan korrupsiyaga qarshi kurashish umummilliy vazifa ekanligi, korrupsiyaga nisbatan murosasiz bo‘lish hamda bu borada mamlakatimizda amalga oshirilayotgan islohotlar haqida aholi orasida tushuntirish ishlari olib borilmoqda.

🔰Jumladan, Xalq deputatlari Chinoz tumani Kengashi kotibiyati mudiri A.Baxramov, tuman “Nuroniylar” jamg‘armasi raisi, tuman Kengashi deputati M.Mirsodiqov, 15-Istiqlol okrugidan saylangan deputat O.Dadajonovlar tomonidan saylovchilar bilan uchrashuvlar o‘tkazib, korrupsiyaning oldini olish va unga qarshi kurashish bo‘yicha belgilangan vazifalar ahamiyati yuzasidan tushuntirish ishlarini olib bordilar.

🔰Shuningdek, mamlakatimizda tinchlik va barqarorlikni qadrlash, to‘y-xasham, maraka va marosimlarda ortiqcha isrofgarchilikka yo‘l qo‘ymaslik, halollik, shukronalik bilan hayot kechirish muhimligini ta’kidlab o‘tdilar.