Gʻuzor tumanidagi "Nuroniylar maskani"da 51 ta mahalla fuqarolar yigʻinida "Kambagʻallikdan farovonlik sari" loyihasi doirasida faoliyat yuritayotgan barcha “Uch faol nuroniylar” ishtirokida yigʻilish bo‘lib o‘tdi.

Tadbirda tuman Bandlikka ko‘maklashish bo‘limi, "Inson" ijtimoiy yordam ko‘rsatish markazi mutaxassislari, tuman Nuroniylar jamoatchilik kengashi a’zolari, “Buvijonlar maktabi” raisi va a’zolari, tuman Ma’naviyat va ma’rifat bo‘limi rahbari, tuman Madaniyat bo‘limi xodimlari hamda faol nuroniylar ishtirok etdilar.

Yigʻilishni tuman “Nuroniy” jamgʻarmasi raisi X.Qahhorov ochib, kun tartibidagi masalalar yuzasidan mutasaddilarga soʻz berdi. Ular kambagʻal oilalarni roʻyxatdan chiqarish tartibi va usullari haqida atroflicha tushuntirish berdi.

Davra suhbati tarzida oʻtgan yigʻilishda savol-javoblar boʻlib oʻtdi, mavjud kamchiliklar tanqidiy tahlil qilindi. Faoliyati yuqori baholangan, namuna boʻla oladigan jamoalarga tashakkurnomalar topshirildi.