✅2025-жылы 10-июнь күни Нөкис районы "Төктаў" МПЖ аймағындағы 1-санлы мектепте оқыўшы-жаслар қатнасында жаслар санасында Ўатанды сүйиў, үлкенлерди ҳүрмет қылыў, өз-ара жәрдем, ҳадаллық, мийнетсүйгишлик сыяқлы пәзийлетлерди сиңдириў мақсетинде руўхый-ағартыўшылық илажы шөлкемлестирилди.

Илажға районлық Кеңес депутаты М.Бегдуллаев, Руўхыйлық ҳәм ағартыўшылық орайы районлық бөлими баслығы Н.Тоимбетов, Дин ислери бойынша комитеттиң районлық бас қәнигеси Д.Таўекелов, "Ақмаңғыт таңы" газетасы редакторы А.Хожаназаров, районлық спорт мектеби директоры Б.Джуманиязов, Жаслар ислери агентлиги бөлими баслығы А.Моятдиновлар қатнасты.

Илажда жаслар санасында Ўатанды сүйиў, үлкенлерди ҳүрмет қылыў, өз-ара жәрдем, ҳадаллық, мийнетсүйгишлик сыяқлы пәзийлетлерди сиңдириў, шаңараққа итибар ҳәм сергекликти арттырыў, жаслардың интернет ҳәм мобил байланыс қуралларынан дурыс пайдаланыў мәденияты, жаслар ушын берилип атырған имканиятлар бағдарындағы әҳмийетли темалар ҳаққында сөз етилди.