Мен, 13-Порлытаў сайлаў округинен Халық депутатлары Бозатаў районлық Кеңеси депутаты Бисенов Кенжеғали Казбекович усы жылдың 7-апрель күни белгиленген график тийкарында өз сайлаўшыларым алдында усы жылдың I-шереги даўамында әмелге асырған жумысларым ҳаққында сайлаўшыларға есабат бердим.

Ҳүрметли Президентимиз тәрепинен Қарақалпақстанды социаллық-экономикалық раўажландырыў бойынша қабыл етилген Пәрман ҳәм Қарарлары, Қарақалпақстан Республикасы Жоқарғы Кеңеси тәрепинен қабыл етилген қарарлардың мазмун-мәнисин түсиндирип бердим. 

Жылдың атына сай қабыл етилген мәмлекетлик бағдарламада нәзерде тутылған реже ҳәм ўазыйпалар ҳаққында мағлыўмат бердим.

Есабат дәўиринде сайлаўшылардан 3 мүрәжат келип түсти ҳәм олар бойынша тийисли жерлерге 3 депутат сораўлары шығарылды.

Депутат сораўындағы тийкары мәселе “Аткорма” аўылына электр сым ағашларының (столба) тозыўы жетип турғанлығы себепли келип түскен мүрәжәәтлер бойынша районлық электр тармақлары кәрханасына депутатлық сораў жиберилип, нәтийжесинде жаңадан электр сым ағашлари қойылып берилди, жәнеде “Қарлыбай” аўылынада электр сым ағашларын жаңадан қойып бериў бойынша депутат сораўы жиберилип, ол жумысларда ҳәзирги күнде басланып кетти. Нәтийжеде халықты қыйнап киятырған машқалалар өз шешимин таппақта.

Соны да атап өтиўди қәлер едим, сайлаўшылар мәмлекетимизде әмелге асырылып атырған реформалардан разы, оны ҳәр күни өз турмысында сезип атырғанын билдирди.

Сессия ҳәм кеңес мәжилислеринде турақлы қатнасып, оларда партиямыз электораты мәплеринен келип шығып өз пикир ҳәм усынысларымды билдирип келмектемен.  

Кенжеғали Бисенов,

13-"Порлытаў" сайлаў округинен депутат.