Xalq deputatlari viloyat Kengashining 2025-yil 12-may kuni “Aholi o‘rtasida sog‘lom turmush tarzini ommalashtirish, kasallanish ko‘rsatkichlarini kamaytirish, jismoniy tarbiya va sportni rivojlantirish borasida amalga oshirilayotgan ishlar to‘g‘risida”gi VII-11-61-10-0-K/25 -sonli qarori ijrosi bo‘yicha tumani Tibbiyot birlashmasi rahbari R.Mahmudov boshchiligida 5-iyun kuni “Madaniyat” mahallasida aholi o‘rtasida sog‘lom oilani shakllantirish bo‘yicha targ‘ibot tadbiri o‘tkazildi.

Ushbu tadbirga mahalla faollari hamda keng omma jalb qilindi.Targ‘ibot guruhi shifokorlari inson o‘z salomatligini mustahkamlashi, uzoq umr ko‘rishi uchun sog‘lom turmush tarziga haqida yig‘ilganlarga tushuntirish berib, ularni qiziqtirgan savollariga javoblar qaytardilar.

Tuman markaziy ko‘p tarmoqli poliklinikasi shifokorlari tomonidan sog‘liqqa zarar beruvchi oziq-ovqat mahsulotlari aks etgan ko‘rgazma tashkil etilib, tashrif buyurganlarga to‘liq ma’lumotlar berildi.