Saylawshılardıń mashqalaları unamlı sheshim taptı 

  Men, 8-“Aral” saylaw okruginen Xalıq deputatları
Shomanay rayonlıq Keńesi deputatı Murzamuratov Farxad usı jılı belgilengen grafik tiykarında óz saylawshılarıma
ámelge asırǵan jumıslarım boyınsha esabat berdim. 

 Atap aytqanda, Húrmetli Prezidentimiz tárepinen Qaraqalpaqstandı
sociallıq-ekonomikalıq rawajlandırıw boyınsha qabıl etilgen Párman hám Qararları,
Xalıq
deputatları Shomanay rayonlıq Keńesi sessiyalarında qabıl etilgen qararlardıń mazmun-mánisin
haqqında túsinikler berildi.  

 Sonıń menen birge, jıldıń atmasına sáykes
qabıl etilgen mámleketlik baǵdarlamada názerde tutılǵan reje hám wazıypalar haqqında
maǵlıwmat berildi. 

 Esabat dáwirinde saylawshılardan 8 múrájat
kelip túsken bolıp, múrájatlar tiyisli juwapkerler menen birgelikte unamlı sheshim
taptı. 

 Sonı da atap ótiw orınlı, saylawshılar mámleketimizde
ámelge asırılıp atırǵan reformalardan razı ekenligi, onı hár kúni óz turmısında
sezip atırǵanlıqları bildirdi. 

 Sessiya, turaqlı komissiya hám deputatlıq
topar májilislerinde turaqlı qatnasıp, onda partiyamız elektoratı máplerinen kelip
shıǵıp óz pikir hám usınıslarımdı bildirip kelmektemen. 

 Murzamuratov Farxad, 8-“Aral” saylaw okruginen Xalıq
deputatları Shomanay rayonlıq Keńesi deputatı