Yig‘ilishda ilgari surilgan tashabbuslar, ayniqsa, hududlar kesimida sanoatni rivojlantirish borasidagi aniq vazifalar, biz – mahalliy kengash deputatlari uchun ham yo‘l xaritasi bo‘lib xizmat qiladi. Yig‘ilishda alohida ta’kidlangan jihatlardan biri – Sharof Rashidov tumanida mebelchilikka ixtisoslashgan markaz tashkil etilishi haqida bo‘ldi. Bu tashabbus bizning tumanimiz uchun juda muhim, sababi mebelsozlik yildan-yilga aholi bandligini ta'minlash, ichki va tashqi bozorlarda raqobatbardosh mahsulot yetkazib berish imkonini oshirib bormoqda. Yakka tartibdagi mebel ustalari endi 5 nafargacha ishchi yollab, rasmiy faoliyat yuritishi mumkin. Eng quvonarlisi, yosh tadbirkorlar uchun 5 milliard so‘mgacha 7 yil muddatga, 18 foizli imtiyozli kredit ajratilishi belgilandi. Bu – harakatdagi yoshlar, mehnatsevar oilalar uchun katta tayanch!
Xulosa o‘rnida yig‘ilishda ilgari surilgan vazifalar nafaqat mamlakat miqyosida, balki har bir hududda, har bir tumanda, xususan,
Sharof Rashidov tumanida ham chuqur o‘zgarishlar uchun asos bo‘ladi. Men, Sharof Rashidov tumani kengashi deputati sifatida, bu tashabbuslarni to‘liq qo‘llab-quvvatlayman va tumandagi har bir fuqaro, tadbirkor, yoshlar bu imkoniyatlardan foydalanib, yangi bosqichga ko‘tarilishiga ishonaman.
Xalq deputatlari Sharof Rashidov tuman Kengashi deputati Raxmonov Akmaljon Baxtiyor o'g'li