Prezidentimiz Shavkat Mirziyoyev raisligida joriy yilning 26-may kuni mahalliy sanoatni rivojlantirish bo‘yicha kelgusidagi ustuvor vazifalar yuzasidan o‘tkazilgan videoselektor yig‘ilishida mamlakatimizda to‘qimachilik, qurilish materiallari, mebelsozlik sohalarida amalga oshirilishi shart bo‘lgan vazifalarni belgilab berdi. 

Bu borada amalga oshirilayotgan amaliy ishlar bilan tanishish maqsadida bugun O‘zbekiston “Milliy tiklanish” demokratik partiyasi Markaziy Kengashi raisi, Oliy Majlis Qonunchilik palatasidagi partiya fraksiyasi rahbari Alisher Qodirov Navoiy viloyatida bo‘lib, Navoiy shahridagi “Xovandamir Holding” MCHJga qarashli “Muhtasham mebellar” fabrikasi faoliyati bilan tanishdi. Bu yerda ishlab chiqarilayotgan mebelsozlik mahsulotlari o‘z brendiga ega. 150 nafar ishchi mehnat qilayotgan korxonada yillik ishlab chiqarish hajmi 27 milliard so‘mni tashkil etayotgani mahsulotlarining sifatliligi va bejirimligini ko‘rsatmoqda.

Partiya raisi Alisher Qodirov, Oliy Majlis Qonunchilik palatasi deputatlari Bahodir Mamatxonov, Kozim Tojiyev hamda korxona rahbari Husniddin Gapparov hamrohligida korxona ish faoliyati bilan tanishib, ishlab chiqarish quvvatini oshirish, yangi ish o‘rinlari yaratish, milliy brendni takomillashtirish bo‘yicha tavsiyalarini berdi.