Men, 2-“Aq terek” saylaw okruginen Xalıq deputatları Shomanay
rayonlıq Keńesi deputatı Yusupov Adilbay Turdıbaevich óz saylawshılarım aldında
2025-jıldıń II-sheregi dawamında ámelge asırǵan jumıslarım boyınsha saylawshılarǵa
esabat berdim.

Atap aytqanda, Húrmetli Prezidentimiz tárepinen Qaraqalpaqstandı
sociallıq-ekonomikalıq rawajlandırıw boyınsha qabıl etilgen Párman hám Qararları,
Xalıq deputatları Shomanay rayonlıq Keńesi Sessiyalarında qabıl etilgen qararlardıń
mazmun-mánisin haqqında túsinikler berildi.

Sonıń menen birge, jıldıń atmasına sáykes qabıl etilgen
mámleketlik baǵdarlamada názerde tutılǵan reje hám wazıypalar haqqında maǵlıwmat
berildi.

Esabat dáwirinde saylawshılardan 19 múrájat kelip túsken
bolıp, múrájatlar tiyisli juwapkerler menen birgelikte unamlı sheshim taptı.

Máselen, rayondaǵı “Qarabaylı” mákan puqaralar jıyınındaǵı
shetki aymaqlarǵa awıl turǵınları qıytaq jerlerin suwǵarıw boyınsha mashqalası tiyisli
mákeme wákilleri menen birgelikte úyrenip shıǵılıp, tamarqa jerlerin suwǵarıw ushın
suw jetkerip berilip múrájat unamlı sheshim tabılıwına erisildi, sondayaq “Qarabaylı”
awılındaǵı elektr liniyalarınıń stolbıları jaramsız halǵa kelip qalǵanlıǵı boyınsha
múrájatı tiyisli taraw wákilleri menen birgelikte úyrenilip qayta ońlaw jumısları
alıp barılıp ámeliy járdem kórsetildi.

Sonı da atap ótiw orınlı, saylawshılar mámleketimizde ámelge
asırılıp atırǵan reformalardan razı ekenligi, onı hár kúni óz turmısında sezip atırǵanlıqları
bildirdi.

Sessiya, turaqlı komissiya hám deputatlıq topar májilislerinde
turaqlı qatnasıp, onda partiyamız elektoratı máplerinen kelip shıǵıp óz pikir hám
usınıslarımdı bildirip kelmektemen.

Adilbay Yusupov, 2-“Aq terek” saylaw okruginen

Xalıq deputatları Shomanay rayonlıq Keńesi deputatı