🔹Muhtaram Prezidentimiz Shavkat Mirziyoev raisligida tibbiyot sohasida o‘tkazilgan yig‘ilish menda chuqur taassurot qoldirdi. Xususan, birlamchi tibbiy yordamning sifatini oshirish, aholini kasalliklardan erta ogohlantirish, profilaktikaga e’tiborni kuchaytirish kabi ustuvor yo‘nalishlar bugungi kunda jamiyatimiz uchun juda dolzarb ahamiyat kasb etadi.

🔹Yig‘ilishda aytib o‘tilganidek, tibbiy muassasalarda xizmatlar sifatini yaxshilash, tibbiyot xodimlarining malakasini oshirish va zamonaviy tibbiyot texnologiyalarini keng joriy etish bo‘yicha aniq vazifalar belgilandi. Bu esa soha rivoji uchun yangi bosqichni boshlab berishi shubhasiz.

🔹Shuningdek, dori vositalarining oqilona va shaffof taqsimoti, aholi uchun ularning shaffof narxlarda yetib borishi, sog‘liqni saqlash tizimidagi samaradorlikni yanada oshirishga xizmat qiladi. Eng muhimi, tibbiy ta’limni isloh qilish, ilg‘or xalqaro tajribalarni joriy etish va yangi avlod mutaxassislarini yetishtirish masalasi ham diqqat markazida bo‘ldi.

🔹Xulosa qilib aytganda, mening fikrim Prezidentimiz rahbarligida belgilangan bu ustuvor vazifalar — aholining sog‘lig‘ini asrash, tibbiyotga ishonchni mustahkamlash va sog‘liqni saqlash tizimini mukammal shakllantirish yo‘lida muhim qadamlardir. Biz, deputatlar ushbu islohotlarni to‘liq qo‘llab-quvvatlashimiz va uning amaliy natijasiga hissa qo‘shishimiz lozim.

Xalq deputatlari Bo‘stonliq tumani Kengashi deputati O.Babayev