Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat A.Mannobov tomonidan Markaziy dehqon bozorida aholi kundalik ehtiyoji uchun zarur bo‘lgan asosiy turdagi oziq-ovqat mahsulotlari narxlari hamda ularning zaxirasi yuzasidan o‘rganish o‘tkazildi.

🔵O‘rganish davomida bozordagi savdo rastalari ko‘zdan kechirilib, aholi tomonidan kundalik iste’mol qilinadigan oziq-ovqat mahsulotlarining mavjudligi, ularning narxlari va zaxiralar shakllantirilganlik holatiga e’tibor qaratildi. Xususan, go‘sht va go‘sht mahsulotlari, un, guruch, o‘simlik yog‘i, shakar, kartoshka, piyoz, sabzi hamda boshqa asosiy oziq-ovqat mahsulotlarining savdoga chiqarilishi va xaridorlar ehtiyojini qondirish imkoniyatlari o‘rganildi.

🔵Shuningdek, bozordagi narx-navo holati bilan tanishilib, mahsulotlar ta’minotining uzluksizligini ta’minlash, mavsumiy talabni inobatga olgan holda zaxiralarni shakllantirish va aholi ehtiyojini barqaror qondirish masalalari ko‘rib chiqildi.

🔵O‘rganish jarayonida bozorda asosiy turdagi oziq-ovqat mahsulotlarining yetarli bo‘lishi, ularning zaxiralarini muntazam to‘ldirib borish va narxlarning asossiz ravishda oshishiga yo‘l qo‘ymaslik muhimligi ta’kidlandi. Shu bilan birga, mahsulotlarning sifati, saqlanish sharoitlari va savdo jarayonlarida sanitariya talablariga rioya etishga alohida e’tibor qaratish zarurligi qayd etildi.

🔵Deputat tomonidan bozor mas’ullariga aholining kundalik ehtiyojidan kelib chiqqan holda oziq-ovqat mahsulotlari ta’minotini uzluksiz tashkil etish, zaxiralarni yetarli darajada saqlash va narx-navo barqarorligini ta’minlash bo‘yicha tegishli tavsiyalar berildi.