“Máripat kárwanı” - iygilikli ideyalardı úgit-násiyatlaw jolında

Ózbekstan Respublikası Prezidentiniń Watanımız ǵárezsizliginiń 35 jıllıǵı múnásibeti menen ótkerilgen bayram saltanatında shıǵıp sóylegen sóziniń mazmun-mánisin keń jámiyetshilikke jetkeriw maqsetinde Nókis rayonı “Ruwxıy-aǵartıwshılıq sarayı”nda "Birlesip ullı tariyx quramız" temasında "Aǵartıwshılıq kárwanı" oqıw seminarı joqarı dárejede shólkemleskenlik penen ótkerildi.

Seminarǵa Xalıq deputatları Nókis rayonlıq Keńesi deputatı M.Orazımbetova, Nókis mámleketlik pedagogikalıq institutı docenti S.Ernazarova hám assistent oqıtıwshısı N.Tursunboevalar, sonday-aq, úgit-násiyatshılar toparınıń aǵzaları, mákeme hám shólkemlerdiń juwapker xızmetkerler qatnastı.

Ilaj dawamında bayanatshılar Prezidentimizdiń bayanatındaǵı tiykarǵı ideyalar, elimizdiń rawajlanıw basqıshları hám keleshektegi áhmiyetli wazıypalardı qatnasıwshılarǵa tereń túsindirip berdi.