Marg‘ilon shahrida yoshlarning bandligini ta’minlash, tadbirkorlik faoliyatini rivojlantirish va ularni qo‘llab-quvvatlash masalalari deputatlik nazoratiga olinmoqda.
Shu maqsadda Xalq deputatlari Marg‘ilon shahar Kengashi deputati S.Azizov tomonidan Yoshlar ishlari agentligi Marg‘ilon shahar bo‘limi boshlig‘i F.Rahimjonovga deputat so‘rovi yuborildi.

So‘rovda shahar hokimi bilan yoshlar ishtirokida o‘tkazilgan uchrashuvlarda tadbirkorlik faoliyatini yo‘lga qo‘yish uchun kredit so‘ragan, ayni vaqtda kredit mablag‘lari hisobidan faoliyat yuritayotgan hamda faoliyatini to‘xtatgan yoshlar haqida asoslantirilgan ma’lumot taqdim etish so‘ralgan.

Mazkur masala yoshlarning muammolarini manzilli o‘rganish, ularga ko‘mak ko‘rsatish va berilayotgan imkoniyatlardan samarali foydalanilishini ta’minlash nuqtayi nazaridan nazoratga olindi.