Xalq deputatlari shahar Kengashi deputati D.Danayev tomonidan shahar Elektr tarmoqlari faoliyati o‘rganildi.

📌O‘rganish davomida O‘zbekiston Respublikasi Prezidentining 2026-yil 29-apreldagi PF-70-son Farmon doirasida hududdagi elektr ta’minoti tizimini yaxshilash, mavjud infratuzilmani yangilash va tarmoq samaradorligini oshirish borasida amalga oshirilayotgan ishlar ko‘rib chiqildi.

📌Ma’lum qilinishicha, hududdagi jami 114 ta elektr transformatori ta’mirdan chiqarilgan. Amalga oshirilgan ta’mirlash va texnik tadbirlar natijasida elektr energiyasidagi yo‘qotishlar ko‘rsatkichi ham sezilarli darajada kamaygan.

➡️Xususan, avvalgi davrda yo‘qotishlar me’yori 12,8 foizni tashkil etgan bo‘lsa, hozirda mazkur ko‘rsatkich 5,4 foizga tushgan. Ya’ni, elektr energiyasi yo‘qotishlari 7,4 foiz bandga kamaygan.

✅Mazkur natijalar elektr tarmoqlarini modernizatsiya qilish, mavjud quvvatlardan samarali foydalanish hamda iste’molchilarga barqaror elektr ta’minotini ta’minlash borasidagi ishlarning amaliy natijasini ko‘rsatadi.

✅Elektr ta’minoti sifati va tarmoq infratuzilmasining holati deputatlik nazorati asosida kuzatib boriladi.