Kuz-qish mavsumiga tayyorgarlik holatlari o‘rganilmoqda
📍 Xalq deputatlari O‘rta Chirchiq tuman Kengashining 20-Uyshun saylov okrugi deputati K. Djumanazarova hamda tuman Kengashi kotibiyati bosh mutaxassisi Sh. Eshov tomonidan “Yuqoriovul” MFY hududidagi 24-sonli umumiy o‘rta ta’lim maktabining 2026–2027-yillar kuz-qish mavsumiga tayyorgarlik holati o‘rganildi.

🔥 O‘rganish davomida ta’lim muassasasida kuz-qish mavsumini betalafot o‘tkazish uchun amalga oshirilgan ishlar, xususan, isitish tizimlarining texnik holati, qozonxonaning mavsumga tayyorligi, isitish qurilmalari va ichki issiqlik tarmoqlarining sozligi atroflicha ko‘zdan kechirildi.

🏫 Shuningdek, maktab binosining tom qismi, deraza va eshiklarning holati, elektr va suv ta’minoti, o‘quv xonalari hamda boshqa yordamchi xonalarning mavsumga tayyorgarligi yuzasidan tegishli o‘rganish ishlari olib borildi.

📌 O‘rganish yakunlari bo‘yicha aniqlangan masalalar muhokama qilinib, kuz-qish mavsumida ta’lim jarayonining uzluksizligini ta’minlash, o‘quvchilar va pedagoglar uchun barqaror, xavfsiz hamda qulay shart-sharoitlar yaratish, shuningdek, mavjud kamchiliklarni o‘z vaqtida bartaraf etish yuzasidan mas’ullarga tegishli tavsiya va ko‘rsatmalar berildi.

✅ Xalq deputatlari O‘rta Chirchiq tuman Kengashi kotibiyati axborot xizmati!