Xalq deputatlari Andijon shahar Kengashi kotibiyatiga Andijon shahar “Hunarmand” MFY sobiq raisi M. Jo‘raboyev tomonidan og‘zaki murojaat qilindi.

Murojaatda fuqaro mahalla raisi lavozimida faoliyat yuritgan davrida ikki yil davomida mehnat ta’tilidan foydalanmaganligi, shuningdek, lavozimidan ozod etilgan vaqtda yakuniy hisob-kitoblar amalga oshirilmaganligini ma’lum qilib, ushbu masalada amaliy yordam so‘ragan.

Mazkur murojaat yuzasidan Xalq deputatlari Andijon shahar Kengashi deputati Mo‘ydinov Baxtiyor Abdulazizovich tomonidan tegishli tashkilotga deputat so‘rovi yuborildi.

So‘rovda fuqaroning mehnat huquqlari bilan bog‘liq holatlarni qonunchilik talablari asosida o‘rganish hamda natijasi yuzasidan asoslantirilgan ma’lumot taqdim etish so‘raldi.

Fuqarolar murojaatlari — deputatlar faoliyatining muhim yo‘nalishlaridan biridir.