1-SENTABRDAN QONUNCHILIKDA MUHIM O‘ZGARISHLAR KUCHGA KIRDI

Fuqarolar uchun muhim bo‘lgan ayrim yangiliklarni bilib qo‘yish foydali:

Ish haqi, pensiya va stipendiyalar — 7 foizga oshirildi.

Eng kam ish haqi — 1 mln 360 ming so‘m, bazaviy hisoblash miqdori (BHM) — 440 ming so‘m etib belgilandi.

BHM oshirilgani sababli ayrim jarimalar, davlat bojlari va boshqa to‘lovlar miqdori ham o‘zgardi.

UZIMEI: mobil telefonni ro‘yxatdan o‘tkazish — 88 ming so‘m, muddat kechiktirilganda — 110 ming so‘m.

Avtomobillar: texnik ko‘rikdan o‘tmagan, gaz ballonining muddati tugagan yoki tegishli hujjatlari bo‘lmagan transport vositalariga metan va propan gazini quyish mumkin emas.

Jamoat transporti: avtobusga kirishda yo‘l haqini darhol to‘lash talab etiladi. To‘lovni amalga oshirmaganlik uchun 44 ming so‘m jarima belgilangan.

Deputat sifatida fuqarolarni qonunchilikdagi yangiliklardan xabardor bo‘lib borishga chaqiraman.

Qonunni bilish — huquqni himoya qilishning muhim shartidir!