Jumladan, “17-Yorqinhayot” okrugi deputati B. Erkaboyev tomonidan okrug hududidagi 566-sonli Davlat maktabgacha ta’lim tashkilotida (DMTT) yangi o‘quv yilining boshlanishi va muassasaning kuz-qish mavsumiga tayyorgarlik holati atroflicha o‘rganildi.

O‘rganish jarayonida bolajonlar uchun yaratilgan shart-sharoitlar, guruh xonalari, ta’lim-tarbiya jarayonining sifatli tashkil etilganligi hamda zamonaviy jihozlanish holati ko‘zdan kechirildi. Shuningdek, muassasaning kuz-qish mavsumiga tayyorgarligi, isitish tizimlari va mavsumiy barqarorlikni ta’minlash borasidagi chora-tadbirlar nazoratga olindi.

Deputat ta’lim muassasasi rahbariyati va xodimlari bilan muloqot qilib, ularni yangi o‘quv yili boshlanishi bilan tabrikladi. Aniqlangan ba’zi masalalarni joyida hal etish bo‘yicha mas’ullarga tegishli tavsiyalar berilib, kelgusidagi vazifalar belgilab olindi.

Ushbu qilingan sa’y-harakatlar yurtimizda bolajonlarga ko‘rsatilayotgan g‘amxo‘rlikni yanada kuchaytirishga va ijtimoiy soha obyektlarining barqaror ishlashini ta’minlashga qaratilgan.