Ehtiyojmand oilalar holidan xabar olindi

Xalq deputatlari Qiziltepa tumani Kengashining 19-Buyuk ipak yo‘li saylov okrugidan saylangan tuman Kengashi deputati, O‘zLiDeP deputatlik guruhi a’zosi N. Xoliqov hamda O‘zLiDeP Navoiy viloyati Kengashi apparati rahbari M. Eshniyozov, partiya xodimlari va mahalla yettiligi bilan hamkorlikda mahalladagi ijtimoiy himoyaga muhtoj hamda nogironligi bo‘lgan shaxslar yashovchi oilalar holidan xabar oldilar.

Bayram munosabati bilan ushbu oilalarga deputat homiyligi asosida oziq-ovqat mahsulotlari tarqatildi hamda ularning holidan xabar olinib, ehtiyoj va murojaatlari tinglandi.

Uchrashuvlar davomida aholining ijtimoiy himoyaga muhtoj qatlamlarini qo‘llab-quvvatlash, ularning muammolariga e’tibor qaratish va zarur amaliy yordam ko‘rsatish muhim ekanligi ta’kidlandi.