#qonun_162

Xalq deputatlari Angor tumani Kengashi deputatati 3-Gilambob saylov okrugi deputatati Mavlono Rano tomonidan mahalla fuqarolar yig‘inida bo‘lib, O‘zbekiston Respublikasining “Aholi bandligi to‘g‘risida”gi O‘RQ-642-sonli Qonuni ijrosi yuzasidan amalga oshirilayotgan ishlarni yaqindan o‘rgandi.

O‘rganish davomida mahallada yashovchi fuqarolarning bandligini ta’minlash, ishsiz qatlamni qisqartirish, ularni o‘quv kurslariga jalb qilish hamda mavjud bo‘sh ish o‘rinlari bilan tanishtirish borasidagi chora-tadbirlar ko‘zdan kechirildi. Xususan, “Aholi bandligi to‘g‘risida”gi Qonunda belgilangan imtiyozlar, subsidiya va tadbirkorlikni boshlash uchun ajratilayotgan imtiyozli kreditlarning mazmun-mohiyati mahalliy aholiga yetkazildi.

Tuman deputatati R.Mavlonova mahalladagi kam ta’minlangan, ijtimoiy himoyaga muhtoj oilalar va ishsiz fuqarolar bilan yma-yuz muloqot qilib, ularning muammolarini tingladi. Muloqot natijasida ishsiz fuqarolarni doimiy daromad manbai bilan ta’minlash, ularni kasb-hunarga o‘qitish va kasanachilikka jalb etish bo‘yicha mas’ullarga tegishli ko‘rsatmalar berildi.

Mahallada bandlikni ta’minlash va kambag‘allikni qisqartirish yo‘nalishidagi bunday amaliy o‘rganishlar boshqa mahallalarda ham davom ettirilishi rejalashtirilgan.