TAZYIQ VA ZO‘RAVONLIKDAN HIMOYA — MUHIM VAZIFA
Xalq deputatlari Pastdarg‘om tumani Kengashi deputatlari tomonidan xotin-qizlarni tazyiq va zo‘ravonlikdan himoya qilish borasida amalga oshirilayotgan ishlar holatini o‘rganish maqsadida ishchi guruh shakllantirildi.
O‘rganish jarayonini tizimli va samarali tashkil etish uchun maxsus savolnoma ishlab chiqildi. Unda himoya orderlarini rasmiylashtirish va ularning ijrosini nazorat qilish, murojaatlarni ko‘rib chiqish, zo‘ravonlik sodir etgan shaxslar bilan profilaktik va tuzatish ishlari olib borilishi, shuningdek, jabrlanuvchilarga ko‘rsatilayotgan tibbiy, psixologik, huquqiy, ijtimoiy yordamlar kabi masalalar qamrab olindi.
Xavf ostidagi oilalar bilan manzilli ishlash yuzasidan mas’ul tashkilotlar tomonidan amaliy choralar ko‘rilishi deputatlik nazoratining asosiy yo‘nalishlari sifatida belgilandi.