Xalq deputatlari Xo‘jaobod tuman Kengashining yettinchi chaqiriq navbatdan tashqari 20-sessiyasi bo‘lib o‘tmoqda. Sessiya kun tartibidan tumandagi ijtimoiy soha obyektlarining kuz-qish mavsumiga tayyorgarlik holati masalasi o‘rin olgan. Mazkur masala doirasida ijtimoiy soha obyektlarini mavsumga puxta tayyorlash, mavjud kamchiliklarni bartaraf etish hamda kuz-qish mavsumini betalafot va barqaror o‘tkazish bo‘yicha amalga oshirilgan ishlar tahlil qilinmoqda. Tibbiyot, ta’lim va boshqa ijtimoiy soha obyektlarida zarur shart-sharoitlarni yaratish, isitish tizimlarining sozligi hamda mavsum davomida uzluksiz faoliyatni ta’minlash masalalariga alohida e’tibor qaratilmoqda.
Sessiya yakunida mas’ullarga tegishli topshiriqlar belgilanib, mavsumni betalafot o‘tkazish yuzasidan zarur choralar ko‘rilishi nazarda tutilmoqda.