🔷 Xalq deputatlari Shovot tumani Kengashi kotibiyati mudiri, 24-Gulshan saylov okrugi deputati Masharipov Izzat Masharipovich tomonidan tomonidan 21-Monoq saylov okrugi deputati Sadullayev Oybek Yusubbayevich hududiga kiruvchi "Yangi Oʻzbekiston qiyofasi" dasturi doirasida Monoq mahallasida amalga oshirilayotgan bunyodkorlik va infratuzilma loyihalarining borishi joyiga chiqqan holda monitoring qilindi.
🏗 Mazkur loyihalar Xalq deputatlari Xorazm viloyati Kengashining 2026-yil 31-martdagi VII-20-37-12-0-K/26-son qarori asosida amalga oshirilmoqda.
💰 Dastur doirasida Monoq mahallasiga 5 milliard soʻm mablagʻ ajratilgan bo‘lib, ushbu mablag‘lar mahalla infratuzilmasini rivojlantirish, tadbirkorlik uchun qulay sharoitlar yaratish hamda aholi turmush sifatini yaxshilashga yo‘naltirilgan.
📌 Loyiha doirasida quyidagi ishlarni amalga oshirish belgilangan:
✅ Monoq mahallasi markazini zamonaviy qiyofada shakllantirish;
✅ Tadbirkorlik faoliyati uchun zarur infratuzilmani yaratish;
✅ Mahalla fuqarolar yig‘ini binosini qurish;
✅ "Xorazm", "Xorazm-1" va "Quvonch-1" ko‘chalarida 2,5 km piyodalar yo‘laklari qurish;
✅ Mazkur ko‘chalarga 60 dona zamonaviy tungi yoritish chiroqlari o‘rnatish;
✅ "Quvonch-1" va "Xorazm-1" ko‘chalarini 2,2 km asfaltlash;
✅ "Quvonch-2" ko‘chasini 1,7 km shag‘allashtirish;
✅ "Xorazm" ko‘chasiga 1 dona transformator o‘rnatish;
✅ "Quvonch-1", "Quvonch-2", "Do‘stlik-2", "Do‘stlik-3", "Do‘stlik-9", "Xorazm-2", "Xorazm-3", "Xorazm-7" hamda "Hunarmand" ko‘chalariga 3 km elektr tarmog‘i tortish;
✅ Monoq mahallasidagi 21 gektar tomorqa yerlarini sug‘orish tizimini yaxshilash maqsadida "G‘allakor" ko‘chasidagi 1 km ariqni betonlashtirish.
🔎 Monitoring davomida olib borilayotgan qurilish va obodonlashtirish ishlari ko‘zdan kechirilib, belgilangan vazifalarning sifatli va o‘z muddatida bajarilishi yuzasidan mutasaddi tashkilotlar hamda mahalla yettiligi bilan tegishli tavsiya va topshiriqlar berildi.
🤝 Bugungi kunda Monoq mahallasining barcha hududlarida tizimli ishlar bosqichma-bosqich amalga oshirilmoqda. Loyihalarning to‘liq va sifatli ijrosini ta'minlash, ajratilgan mablag‘larning maqsadli sarflanishi hamda aholiga yaratilayotgan qulayliklar deputatlik nazorati ostida davom ettirilmoqda.