60 ta qo‘shimcha o‘rin va zamonaviy sharoitlar: Tuman Kengashi deputati qurilish obyektini o‘rgandi

Tuman Kengashi deputati Nurjanov Qahramon Abdalyazovich “Qishloq joylarni barqaror rivojlantirish” loyihasi doirasida hududdagi ijtimoiy soha obyektlarida olib borilayotgan ishlar bilan tanishdi. Xususan, deputat tumandagi 7-sonli maktabgacha ta’lim tashkilotida amalga oshirilayotgan rekonstruksiya jarayonini borib o‘rgandi.

Mazkur obyektda eski 90 o‘rinli bino o‘rniga 150 o‘rinli zamonaviy bino qurilishi rejalashtirilgan bo‘lib, loyihaning umumiy qiymati 4 193,6 mln. so‘mni tashkil etadi.

O‘rganish davomida quyidagilarga e’tibor qaratildi:

• Qurilish ishlarining sifati va loyiha hujjatlariga mosligi;

• Belgilangan muddatlarga rioya etilishi;

• Ishchilar uchun yaratilgan sharoitlar va qurilish materiallarining ta’minoti.

Rekonstruksiya natijasida bog‘cha qamrovi 60 nafarga ortadi va qishloq bolajonlari uchun zamonaviy sharoitlarda ta’lim-tarbiya olish imkoniyati kengayadi.

Deputat tomonidan qurilishning har bir bosqichi sifatli yakunlanishi yuzasidan mas’ullarga tegishli tavsiyalar berildi. Jarayon xalq vakilining doimiy nazoratida qolmoqda.