Plenumda partiya shahar Kengashi raisi Sh. Izomova, deputatlar D. Raximova va O. Joʻrayevalar ishtirok etdi. Yigʻilishda 2025-yilda amalga oshirilgan ishlar sarhisob qilinib, partiya faoliyati tanqidiy-tahliliy va ochiq muhokama ruhida koʻrib chiqildi.

Kun tartibida partiya shahar Kengashi Ijroiya qoʻmitasining 2025-yildagi faoliyati yuzasidan batafsil hisobot eshitildi. Shuningdek, deputatlik guruhi aʼzosi D. Raximovaning hisoboti tinglanib, oʻtgan davrda amalga oshirilgan ishlar yuzasidan aniq taklif va mulohazalar bildirildi.

Muhokamalar davomida deputat O. Joʻrayeva soʻzga chiqib, partiya faoliyatini yanada faollashtirish, aholi murojaatlari bilan ishlash tizimini takomillashtirish hamda hududdagi ijtimoiy masalalarga yanada kuchli eʼtibor qaratish boʻyicha muhim tashabbuslarni ilgari surdi.

Plenumda 2026-yilda amalga oshiriladigan ustuvor vazifalar, ijtimoiy himoya yoʻnalishidagi chora-tadbirlar hamda hududdagi dolzarb muammolarni hal etishga qaratilgan aniq reja va yoʻnalishlar belgilab olindi.

Yakunida partiya faoliyatini yanada kuchaytirish, ish samaradorligini oshirish hamda tashkiliy tizimni mustahkamlash boʻyicha qatʼiy qarorlar qabul qilinib, Kengashning ichki meʼyoriy hujjatlari tasdiqlandi.

Xalq deputatlari Kogon shahar Kengashi axborot xizmati

Facebook (https://www.facebook.com/profile.php?id=61580100445021) /Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) /Telegramm (https://t.me/KogonshaharKengashiVI) /Instagram (https://www.instagram.com/kogonshaharkengashi?utm_source=qr&igsh=NDRrbGprbzRpMmZs)/ Veb sayt (https://kengash.gov.uz/news?region_id=2&authority_id=276)

Slide 1 of 6