O‘zbekiston Respublikasi Prezidentining PQ-406-son qarori, Senat Kengashining KQ-35-V-son qarori ijrosini ta’minlash hamda mahalliy Kengash deputati faoliyatining muhim yo‘nalishlari bo‘yicha belgilangan 24 ta tavsiya asosida hududlarda aholi murojaatlarini o‘rganish, mavjud muammolarni aniqlash va ularning yechimiga ko‘maklashish borasida amaliy ishlar olib borilmoqda.

Mazkur yo‘nalishdagi ishlar doirasida 8-Maorif saylov okrugi deputati Abidov Behzod Muxamatovich hamda Xalq deputatlari Marg‘ilon shahar Kengashi kotibiyati bosh mutaxassisi N. Akbarova tomonidan Maorif mahallasida hovuz bilan bog‘liq muammo yuzasidan kelib tushgan murojaat o‘rganildi.

Murojaatda ko‘tarilgan masala joyiga chiqqan holda ko‘rib chiqilib, mavjud holat o‘rganildi. Shuningdek, fuqaroning murojaati deputatning ko‘cha aylanish daftariga belgilangan tartibda qayd etildi.

Bunday o‘rganishlar deputatlarning aholi bilan bevosita muloqotini ta’minlash, mahallalarda mavjud muammolarni joyida aniqlash va ularni tegishli tashkilotlar bilan hamkorlikda ko‘rib chiqishda muhim ahamiyat kasb etadi.

Deputatlik nazoratining samaradorligi, avvalo, hududdagi masalalarni faqat murojaat doirasida emas, balki joyiga chiqib, fuqarolar bilan bevosita suhbatlashgan holda o‘rganish va aniqlangan muammolarning keyingi holatini nazorat qilib borish bilan belgilanadi.

Mazkur murojaat bo‘yicha aniqlangan masalalarni tegishli tartibda ko‘rib chiqish hamda keyingi jarayonlarni deputatlik nazorati doirasida kuzatib borish nazarda tutilgan.

Aholi murojaatlari bilan ishlash, mahallalardagi muammolarni o‘z vaqtida aniqlash va ularning yechimiga ko‘maklashish deputatlik faoliyatining muhim yo‘nalishlaridan biri bo‘lib, bu boradagi ishlar izchil davom ettiriladi.