O‘zbekiston Respublikasi Prezidentining PQ-406-son qarori hamda Senat Kengashining KQ-35-V-son qarori ijrosi doirasida fuqarolar murojaatlarini o‘z vaqtida o‘rganish, ularda ko‘tarilgan masalalarga e’tibor qaratish va mavjud muammolarni tegishli tashkilotlar bilan hamkorlikda hal etish bo‘yicha tizimli ishlar olib borilmoqda.

Xalq deputatlari Marg‘ilon shahar Kengashi kotibiyat mudiri A. Ermatovga 25-Orolbo‘yi saylov okrugi saylovchilaridan yo‘l belgilari va yo‘lchiroq bilan bog‘liq masala yuzasidan murojaat kelib tushdi.

Murojaatda ko‘tarilgan masalani atroflicha o‘rganish maqsadida mutasaddilar ishtirokida hududga chiqilib, mavjud holat joyida ko‘zdan kechirildi.

O‘rganish jarayonida kotibiyat mudiri A. Ermatov, shahar hokimi o‘rinbosari vazifasini bajaruvchi R. To‘xtasinov, Marg‘ilon shahar Ichki ishlar bo‘limi Yo‘l harakati xavfsizligi bo‘limi boshlig‘i, podpolkovnik A. Umarqulov hamda Orolbo‘yi MFY raisi A.Mamadaliyev ishtirok etdi.

Jarayonda yo‘l harakati xavfsizligini ta’minlash, yo‘l belgilari va yo‘lchiroqlar bilan bog‘liq masalalar, shuningdek, fuqarolar uchun xavfsiz va qulay harakatlanish sharoitlarini yaratish bo‘yicha murojaatda ko‘tarilgan masalaga e’tibor qaratildi.

Fuqarolardan kelib tushayotgan murojaatlarni joyiga chiqqan holda o‘rganish mavjud muammolarni bevosita hududning o‘zida aniqlash va mas’ul tashkilotlar ishtirokida tegishli choralarni belgilashda muhim ahamiyat kasb etadi.

Mazkur murojaat bo‘yicha aniqlangan masalalarni tegishli tartibda ko‘rib chiqish hamda ularning ijrosini nazorat qilish ishlari davom ettiriladi. Fuqarolar murojaatlari esa deputatlik nazorati doirasida doimiy e’tiborda bo‘ladi.